Алена КАЛЯНЧУК, бібліятэкар:
– Трое дакладна. Лічу, што гэта для сучаснай сям’і цалкам па сілах. І падтрымка дзяржавы ёсць. Для шматдзетных бацькоў створаны ўсе ўмовы. Асабліва ў нас, у сельскай мясцовасці, прырост насельніцтва патрэбны. Хто ж на зямлі працаваць будзе?
У мяне самой адно дзіця. Дачка. Ужо дарослая, дваццаць гадоў. Ведаеце, шкадую, што так выйшла. У свой час старалася больш засяродзіцца на рабоце і стварэнні ўтульнасці, вядзенні гаспадаркі, таму ў другі раз не стала нараджаць. Вось унукаў чакаю, буду іх песціць.