Паважаныя госці – кіраўнікі абласнога аддзялення Саюза пісьменнікаў, абласной універсальнай бібліятэкі, прадстаўнікі раённых уладаў, грамадскіх аб’яднанняў, літаратары Добрушчыны, і, вядома ж, дарослыя і юныя землякі слыннага майстра слова сабраліся каля яго бюста, устаноўленага ля будынка Дома культуры. Яны згадалі пра значны ўклад Івана Шамякіна ў нацыянальную і сусветную літаратуру, усклалі кветкі да скульптуры з выявай пісьменніка. Пасля знаёмства з выставай у мясцовай бібліятэцы, прысвечанай жыццю і творчасці вядомага творцы, змястоўная імпрэза доўжылася ў зале ўстановы культуры.
(Падрабязнасці аб урачыстасці ў Карме – у наступным нумары «ДК»)