Андрэй МУХІН, кантралёр кантрольна-прапускнога пункта, Добруш:

– Жыву ў райцэнтры, у мікрараёне фарфоравага завода. Таму хацелася б, каб да ладу прывялі тэрыторыі вакол нашых шматпавярховых дамоў і ў іх саміх навялі парадак.

Напрыклад, пытанне з падваламі. Дзякуй кіраўніцтву і спецыялістам, у мінулым годзе яны заняліся гэтым сур’ёзна: чысцілі каналізацыйныя трубы, праводзілі абследаванні сістэмы. Цяпер добра было б прыбраць у саміх памяшканнях.

Другі клопат – каналізацыйныя люкі. Размешчаныя на тратуарах, некаторыя правальваюцца і выклікаюць пытанні аб бяспецы.

Але, на маю думку, камфорт навокал – справа не толькі ўлады. Кожнаму з нас па сіле прыбраць у пад’ездзе ці разбіць каля дома кветнік.